“Damm w dabe7 b takht Procrustes”
(Ma2ta3 mtarjam lal Lebnéné mn ktéb Le Joueur yalleh 3am eketbo bl Frenséwé)
3atyetneh maw3ad l sebe7 ma3 Roger Asfoura. “3achra pile. Mch aktar! Monsieur Asfoura rayi7 y3azzeh beit Kirillos!” 7asseit mn sawta enna chlekkeh. Lahjeta za3ajetneh. Ma ba3rif min ya3neh beit Kirillos. Bekrah l wa7ad ye3tineh ktir tafassil eza ma bya3refneh. 7asseit mn sawta enna nas7a kamén. Aniak chi wa7deh nas7a bedda tefrod 7ala 3al telephone. W fekret l maw3ad bta3melleh di2 nafas. W rajfeh bl 2id. Ken awwal maw3ad bekhdo b 7ayeteh… Bekrah ekhod maw3ad… Bi sir yenzal 3ara2 mn mekkheh… Ken fia t2elleh toll sawbna abl l dohor..
Emile l coiffeur kenet rou7 la 3endo. Ma ken y2elleh rja3 3al 11h. Ken y2elleh ba3ed fi rassein. Rou7 w rja3. Rass ya3neh noss sé3a. Rassein ya3neh aktar mn sé3a b chway. W eza badna nelta2a ma3 7amra w Labib wl be2yine mnettefi2 3a wa2et l 3asrouniyeh. Mch 3a wa2et m7addad.
7atta ma3 Melita ma kenet ettefi2 3a wa2et. Bass hiyyeh kenit tzida hal mdapersseh l daay3a. Ma kenit tejeh abadan. Kenit t2elleh eza lta2ayna chi nhar mn koun lta2yna. Mfakkra 7ala b masra7iyet beit l Re7béné w eh ya Wardeh w rej3it l chatwiyeh… w eja l jech l 3esmeneh! w akhadleh 7abibeh w nesyouna kelloun nesyouna! w ta3a w la teji… 3al alileh wardeh kenit tbayyin ekher chi jeyeh mn bestén l teffé7 w 3amleh cha3ra jaddoultein. Melita ma ejit wala marra w ma 3edet chefet menna chi. La cha3ra wla gheir chi. Ta3metneh l dareb. Jnaynét l teffé7 bas bl ossass l 7elweh wl assatiir.. l 7a2i2a hiyyeh jnaynet zebel w khara..
W kello baddo yzayyerlak wa2tak 7asab maw3ado.. Mch l maw3ad byechbahak.. enta btechbah l maw3ad.. sa2il, ma7doud, 3er2an w mesta3jil w ri7et nafasak ka2eno ékel chi mayyit add mannak mesta3jil… mesta3jil bass zeh2an… bas tet2addam bl 7ayét chway w awwal ma tballich t2alli3 betle2ioun wara l mafra2 natrinak ma3 takht Procrustes y7ettouk fi w ynikouk bl dor.. wa7ad wara l teneh.. w 3al néchif.. l frensewiyeh l yasariyeh taba3 l sawra lagho l pied de roi w 7atto kl diya3 fransa b takht Procrustes w yalla 3al néchif.. akbar orgie b takht Procrustes ballachit mn nhareta w weslet la 3end Elia Tannous.. sar ye3tineh l berghoul bl kilo badal l ratel.. a7san ma yrou7 3leh kamm 7abbet berghoul zyedeh ma ye2dar ye7chioun b baten marto hal debbébeh.. hal kam 7abbet berghol zyedeh khaletto ysir mnl taba2a l wosta.. w honeh khod 3a maniakeh.. mnih l ba3do bye3tineh l ahweh bl w2iyeh msh bl gramét .. bas mch la wa2t ktir ba2a…
Nzelet 3al 9h30 w2efet 3a trombit Coral w nataret ja7ch l dawleh ra2em 13 metel ma alleh Antonio 7amra. “B 500 lira bi kebbak 3al port”. Tlo3et bl bosta ana w tlat chaghilleh souriyeh lebsin kelloun jakétét Adidas naylon. Tol3it ma3na benet ne3mé ka2enna ray7a 3al jém3a. 3melet metel ghayreh. Kabbeit l 500 Lira b sandou2 plastik 3a yamin l chauffeur. Fetet w a3adet 7add wa7ad khetyar ma3o afass b albo araneb zghar. Kenit tal3a ri7toun b kell l bosta w 3am ya3emlo aswat gharibeh mn mnkharoun.
Fétit l benet w a3adit 7ad mara khetyara. Ken ma3a b ida daftar kbir w kteb Fables de La Fontaine. Mahdoumin l banét li bye2ro fables w légendes w bi kouno mlfalafin b foulard w nézline 3al jém3a ma3oun tupperware zghireh b alba lazagna aw machewe mn nhar l a7ad. Fi 3endon shi spécial l banét li byetghado ma3 ahloun nhar l a7ad byerja3o bye2ro le corbeau et le renard ba3d l ghada ta y7adro 7aloun la saff l legha teneh yom.
Nezlit hal ne3meh 3a sé7it Mar Takla.. Seret re2eba kif 3am tba33id 3anneh w mechyeh 3al rassif ben chajar l sefsaf wl laymoun w b ida tupperware l lazagna.. byejeh l leji2 li lebis jacket Adidas byouw2af b wejjeh w bi sakkerleh l wéjha.. w bet mout l fable w btekhtefé l né3meh… w byeb2a leje2 l 7areb we2ef b wejjeh ta nousal 3al port…
Wselet 3al bineyeh li fia maktab Roger Asfoura.. m2akhar kenet chi se3a.. Kénit ri7et fnétir w ri7et colonya ktir m2ayyra bl ascenseur.. Sta2baletneh l secrétaire. Metel ma tkhayalta. 3emra chi 40 seneh m3abbeyeh w msemmeh “Eh stofil! Ntorlak sé3a ta yerja3 Monsieur Asfoura”. Kenit kl ma to2ta3 7addeh ta trou7 3al matbakh tetla3 ri7a metel sawdet djéj aw 7alib kémel l dassam. W ana seret salleh yousal ba2a l 3asfoura ta nekhlas…
Fetet 3a maktab l 3asfoura. Tkhayyalto ykoun maktab kbir w kello jeled w rass ghazél m3alla2 bl 7eit. Toli3 ma fi gher l 3asfoura é3id 3a maktab zghir. M3alla2 wara tableau kbir la Zahleh. Li ma bya3ref 3aylto deghre bi 7ess enno 3endo chi mnl 3safiir. Fi tlat cha3rat 3a sandi7to w lebiss 2amiss mra22a3 benneh w aswad ka2enno rich 3asfour.. sellamt 3leh.. alleh tfaddal 23ad.. awwal ma a3adet byes2alneh “bta3rif tsou2 Pontiac vitesse?” …
