Ya ame7 ya damm — Ma bi 7ekk jeldak ella defrak
Mtarjam mn l frenséweh mn ktébeh “Le Joueur’’ (L’la33ib)
“L’la33ib” werit la2abo mn bayyo yalleh kamén werit l la2ab mnl bayy wl jedd w bayy l jedd. Ballachit l ossa bl 1829. Kéno l 3esméniyeh metl l 3adeh kl fatra ydayy2o 3a day3a bl jabal eza 3emlit sawra zghireh. Yballcho l 3esméniyeh yziido l darayib w yetmaniako. B chetwiyet l 1829 abl 3id l miléd b fatra wl deneh talej w zamharir sar yet2akhar l ame7 ta yousal 3al day3a w amet l 2yémeh. Bi oum Wékim byeb3at zelmet l wéleh 3end m3allmo ta ywassill kelemtein lal 3esméniyeh “ya ame7 ya damm”. W min b wa2ta kén elo aleb yhadded l béb l 3aleh gheir l majnoun aw l mad3oum mn barra? Bi oum l wéleh byerja3 yeb3at zelemto ta ywassil la Wékim riséleh mnl 3esményeh “7abbet ame7 mch ra7 tfout 3al day3a”. Byemsok sayfo Wékim w bye2teshlo lséno w byeb3atto 3end ma3allmo bala lsén.
Ba3ed yawmein bi choufo ahéleh l day3a l jéch l 3esméneh metjjamma3 3al talleh b wejj l day3a. L talleh sar esma Tallet L Bghal w btefsol l day3a 3an day3et Ba3loun. Mekhtar Ba3loun wl ekliros wl batrak sahhalo fawtit l jéch l 3esméneh. Chi 200 3askareh nataro t3attem l deneh ta yehejmo 3al day3a w yla22no Wékim daress. Bi oum Wékim byeb3at Rouféyil L Majnoun 3a day3it Ba3loun ta yenchor iché3a enno fi 3askar frenséweh b day3et Wékim jéyeh ye7miha mnl houjoum l 3esméneh. W aya 3esméneh kén ma32oul b wa2ta ysaddi2 hek kezbeh! L frenséwiyeh melhiyine b macheklon l dékhliyeh. El Malak Charles L’3acher ma kén byedman ydall mestelim l balad.. Rej3o atraf ylaww7o b sawra jdideh b Fransa w ye2ba3o l malak Charles L’3acher w 7ekem l Bourbons. Chou baddo Charles L’3acher b day3a masi7iyeh b ekhr l deneh. W min baddo yeb3at ta yeb3at w ye7meh day3etna li mem7iyeh mnl kharita w mensiyeh ben l jbél wl wedyén ta7et talj smik.
Ballachit jrass Knisset Mar Méma w Mar Gergis w Mar Sarkis w Bakhos tde22 b awwal l leil. Daharo l 3alam 3al sé7a w tel3o 3al stou7 ta ychoufo chou fi. W sar rékid Rouféyil L Majnoun bein l byout “Hajamo! Hajamo!”. W yalleh bayto 3a a3la talleh bl day3a semi3 aswaat l a7esneh nézleh mn ras l talleh. Faj2a mn maylet l day3a byenzal bwejjoun bein l khamsin aw miit bani édam. Nézline b ouwweh 3am yza3ewto w héjmin metl dbé3 cherseh. Min hol w mn wein ejo? Kif la77a2o l ahéleh bhal ser3a yetjahhzo w yehejmo? Ma3roufin rjél l diy3a l 3alyeh b haydik l iyyém ma yhezzo tizoun kl l chetwiyeh w ydallo artiin nawmeh lal rabi3. “Awlak l frenséwiyeh ejo?” Saret l 3alam tes2al ba3da. “Haydeh l Saydeh 3emlit 3ajibeh w fallatit 3layoun w7ouch” t2oul gheir 3alam. L jéch l 3esméneh nsadam bass chéf hal fera2 l metwa7cheh héjmeh 3leh. Bi oum l 3askar byense7ib sob Ba3loun. Sarit jrass l knéyis tde22 da22at fara7.
La téneh nhar ta n3arafet l khabariyeh bas tele3 l daww. La frensewiyeh wala chi. Kénit akbar khed3a bi térikh l day3a naffazza Wékim. Falat chi khamsin 7ayawén bein bghal w 3jouleh bhal nzoul w changal bi kell wa7ad mennoun che3lit nar. W saro yerekdo l 7ayawénét bhal nzoul yza3ewto w khayfine. L 3askar l 3esméneh fakkar 3anjadd hayda 3askar frenséweh 3am ye7meh l day3a. Kénit khed3a fia moujézafeh w khatar kbir. Hayde l khed3a ma3roufeh bl terikh mn wara Hannibal. Kén jéch Kartaja m7awwato 3askar Fabius l Roumaneh b wedeh Campania b Italia. Ma kén fi gheir mahrab zghir w dayyi2 bl wédeh. Hannibal fallat mnl Rouman yalleh saro herbénin yamin chmél khayffin mn jéch Kartaja l kbir. Akid ma ken fi jéch hal add kbir. Kéno 3jouleh m3alla2 b 2rounoun che3let nar w rékdine w khayfine.
Téneh nhar féto 3achr 3arabiyét ame7 3al day3a w be2yo l 3esméniyeh 3a chi 3achr sniin mfakkrin enno bl day3a mkhabba jéch frenseweh. W mn wa2ta sar essma l talleh Tallet l Bghal. W Wékim sar la2abo l “La33ib”. Sarit ktir 3alam t7ebbo bl day3a w gher 3alam mnl day3a tghar menno w badda tenhi.
“Ma bi 7ekk jeldak ella defrak” allo Wékim b wa2ta la ebno. Ebno la Wékim kén ba3ed atyass menno. Ba3d l ma3rakeh ma3 l 3askar l 3esméneh n7att salib kbir khachab 3a Tallet L Bghal. Bi oumo ba3ed fatra byejo belleil néss mn Ba3loun byebermo wejj l massi7 wl salib sob day3etoun. Bi oum eben Wékim byeb3at 3alam mnl day3a yerja3o yebermou. Bi le2o ba3ed kamm layleh rassein me3zeh madbou7in w ma7toutin ta7t l salib. Byeb3ato eben Wékim la Rouféyil L Majnoun 3a Ba3loun ywassil riséleh “B3atleh a2wa rejjél mn Ba3loun y7arebneh 3al talleh. W yalleh byerba7 byebermo lal salib sob day3to. W yalleh byerja3 byebrom wejj rabna la 3endo baddeh nik rabbo…’’ ………..
